Top
Begin typing your search above and press return to search.

ৰাজ্যিক বিত্ত বিভাগে ধন মুকলি কৰি দিয়াৰ নিৰ্দেশনা কঠোৰ ভাৱে অনুসৰণ কৰিব

ৰাজ্যিক বিত্ত বিভাগে ধন মুকলি কৰি দিয়াৰ নিৰ্দেশনা কঠোৰ ভাৱে অনুসৰণ কৰিব

Sentinel Digital DeskBy : Sentinel Digital Desk

  |  8 Aug 2019 8:19 AM GMT

বিভিন্ন অঞ্চল উন্নয়নৰ বাবে ২০১৯-২০ বিত্তীয় বৰ্ষৰ ধন মুকলি কৰি দিবৰ বাবে প্ৰকাশ কৰা নিৰ্দেশনা সমূহ কঠোৰ ভাৱে অনুসৰণ কৰিবলৈ সিদ্ধান্ত গ্ৰহণ কৰে বিত্ত বিভাগে । বৰ্তমানৰ পৰা বিত্তীয় ধন মুকলি কৰি দিবলৈ কঠোৰ নিৰ্দেশনা অনুসৰণ কৰিব লাগিব । ২০১৮-১৯ চনৰ ইউ চিৰ ৭০ % আৰু ২০১৭-১৮ চনৰ ইউ চি ১০০ % ব্যবহাৰ হোৱাৰ পাছত এই সিদ্ধান্ত গ্ৰহণ কৰিছে।

বিত্ত বিভাগে প্ৰকাশ কৰা মতে, বিভিন্ন সময়ত ইউ চিয়ে বিভাগক তথ্য জমা নিদিয়ে । তথ্য মতে, ইউ চি ( utilisation certificate)য়ে পূৰ্বৰ দুটা বছৰ ২০১৬-১৭ আৰু ২০১৭-১৮ বিত্তীয় বৰ্ষত প্ৰায় ১০ টা বিধানসভা সমষ্টিয়ে বিত্ত বিভাগক তথ্য দাখিল কৰা নাছিল । উল্লেখযোগ্য যে, MLALADF ৰ অধিনত প্ৰত্যেক বছৰে প্ৰতিটো বিধানসভা সমষ্টিৰ বাবে ১ কোটি অনুমোদন জনোৱা হয় ।

২০১৯ -২০ কেন্দ্ৰীয় বাজেট খনত অসম আৰু উত্তৰ-পূৰ্বাঞ্চল ৰাজ্যৰ হিতৰ বাবে বহুতো আচনিৰ বাবে বাজেট ধাৰ্য্য কৰিছে ।মুদ্ৰা, উজ্জ্বলা, সৌভাগ্য আদি আচনিৰ জৰিয়তে হাউচিং লোন দিয়া ব্যবস্থা কৰিছে যাৰ ফলত সাধাৰণ লোকৰ জীৱন সলনি হৈ পৰিব । প্ৰধান মন্ত্ৰী কৰম যোগী মন্ধন পেঞ্চন আঁচনিৰ অধিনত ক্ষুদ্ৰ ব্যৱসায় সকল লাভান্বিত হ’ব ।

২০১৯ -২০ বিত্তীয় বৰ্ষত ৰেল যোগাযোগ , আধুনিকীকৰণ আৰু বিমানবন্দৰৰ উন্নয়ন , জলপৰিবহন, টেলিকম আৰু শক্তিকে ধৰি বিভিন্ন দিশৰ উন্নয়নৰ বাবে যথেষ্ট প্ৰকল্প গ্ৰহণ কৰা হৈছে ।SARDP-NE আচনিৰ অধিনত ৬,৪১৮ কিলোমিটাৰ পথ মেৰামতি কৰাৰ লগতে ৫৭,৫১৮ কোটি ব্যয় সাপেক্ষে ৫,২৭৩ কিলোমিটাৰ নিৰ্মাণৰ বাবে অনুমোদন দিয়া হৈছে । অনুমোদিত ৫,২৭৩ কিলোমিটাৰৰ ৩,০২৯ কিলোমিটাৰ ৩০,৩১৫ কোটি ব্যয় সাপেক্ষে সম্পূৰ্ণ কৰা হৈছে । উত্তৰ পূৰ্বাঞ্চলৰ বাবে বহুতো আন্তঃগাঁথনিৰ প্ৰকল্প গ্ৰহণ কৰা হৈছে|

ৰে’লৱে খণ্ডত জিৰিবাম-ইম্ফল, ডিমাপুৰ-যুবজা, আগৰতলা-চাব্ৰম, তেতেলিয়া-বৰ্ণিহাত, বৰ্ণিহাত-চিলং, ভৈৰাবি-চাইৰঙ, মুৰকঙচেলেক-পাচিঘাট, আগৰতলা-আখওৰা আদি ৰেল পথৰ আন্তঃগাঁথনি উন্নয়ন কৰাৰ বাবে ব্যৱস্থা গ্ৰহণ কৰা হৈছে ।

আনহাতে বিমানৰ ক্ষেত্ৰতো গুৱাহাটী, ইম্ফল, আগৰতলা, ডিব্ৰুগড়, ডিমাপুৰ আৰু তেজু বিমানবন্দৰ সমূহ আধুনিকীকৰণ আৰু উন্নয়নৰ কৰা হব । ইটানগৰৰ হলঙগিত সেউজ পথাৰ (Greenfield) বিমানবন্দৰ নিৰ্মাণৰ বাবে ৬৪৫.৬৩ অনুমোদন জনাইছে ।

উত্তৰ পূৰ্বাঞ্চলত ভাৰতীয় নৌসেনায়ে ১৯ টা জলপথ মুকলি কৰিছে । এই প্ৰজেক্টেৰ বাবে ২৭০.৫০ কোটি অনুমোদন জনোৱা হৈছে ।আনহাতে টেলিকম চেক্টৰত ৬৪৪.৫৫ কোটি ব্যয় সাপেক্ষে ১১,৯৫৬ গাঁও পঞ্চায়ত সংযোগ কৰিব ভাৰত নেট প্ৰকল্পৰ যোগেদি । ৫,৩৩৬.১৮ কোটি সাপেক্ষে ৮,৬২১ গাঁওত ৬,৬৭৩ মোবাইল টাৱাৰ, ৰাষ্ট্ৰীয় ঘাইপথত ৩২১ মোবাইল টাৱাৰ স্থাপনৰ প্ৰকল্প গ্ৰহণ কৰিছে ।

অন্য খবৰৰ বাবে পঢ়ক : বেংকৰ যোগেদি পৰোক্ষ্য ভাৱে ধন মুকলি কৰা হব: দিছপুৰ

Next Story