৪০০ টা সোণৰ আঙুঠি উপহাৰ দি চৰ্চিত হৈছে দক্ষিণ ভাৰতৰ এজন অভিনেতা
দক্ষিণৰ ভাৰতৰ ছুপাৰষ্টাৰৰ জনসাধাৰণক সহায় কৰা কথাটো নতুন কথা নহয় ৷ সততে অনুৰাগী অথবা আৰ্তজনক সহায় কৰি বাতৰিৰ শিৰোনামা দখল কৰে দক্ষিণ ভাৰতৰ অভিনেতা সকলে। এইবাৰে এখন ছবিৰ দৃশ্য গ্ৰহণৰ স্মৃতি যুগমীয়া কৰি ৰাখিবলৈ অৱলম্বণ কৰিলে এক বিশেষ পন্থা । ছবিৰ দৃশ্য গ্ৰহণৰ লগত জড়িত লোকসকলক দিলে ৪০০ টা সোণৰ আঙুঠি ৷ আৰু এই সোণৰ আঙুঠিত খোদিত আছে বিগিল ছবিৰখনৰ নাম ৷ এই উপহাৰ দিছে দাক্ষিণাত্যৰ ছুপাৰষ্টাৰ বিজয় থালাপথিয়ে ।
উল্লেখ্য যে বিজয়ে বিগত কেইবাদিনো ধৰি ব্যস্ত আছিল "বিগিল" ছবিৰ দৃশ্য গ্ৰহণত ৷ দাক্ষিণাত্যৰ এগৰাকী জনপ্ৰিয় অভিনেতা হৈছে বিজয় থালাপথি ৷ গতিকে বিজয় থালাপথিৰ এই পদক্ষেপে হাজাৰ হাজাৰ লোকৰ হৃদয় জয় কৰিছে ৷ সচাঁকৈয়ে বিজয়ৰ এই পদক্ষেপে বিজয়ৰ মহান হৃদয়ৰ কথা অনুমান কৰিব পাৰি ৷ যিয়ে এখন ছবিত অভিনয় কৰি,সেই ছবিখনৰ কলাকুশলীক সহৃদয়তাৰে আপোন কৰি লৈ মহানতাৰে স্মৃতি যুগমীয়া কৰিছে ।
আনহাতে বিগিল ছবিৰ দৃশ্যগ্ৰহণ সমাপ্ত হয় ১৩ আগষ্টত ৷ আৰু বিগিল ছবিৰ দৃশ্যগ্ৰহণৰ শেষৰ দিনা বিজয়ে সকলো সোণৰ আঙুঠি দিয়া ভিডিঅ’টো সম্প্ৰতি সকলোকে মাজৰ বিয়পি পৰিছে আৰু সকলো অনুৰাগীয়ে বিজয়ক প্ৰশংসা কৰিছে । ইফালে বিগিল ছবিখন অনুৰাগীৰ মাজলৈ আহিব জানুৱাৰী মাহত ।
ছবিখনত বিজয় থালাপথিৰ উপৰিও আছে দাক্ষিণাত্যৰ অভিনেত্ৰী নয়নতৰা,বলীউডৰ অভিনেতা জেকী শ্ৰফ,শ্বাহৰুখ খান, কাথিৰ,বিবেক,ডেনিয়েল বালাজী,আদি বহু ন পুৰণি শিল্পী ৷ছবিখন এখন খেলৰ লগত সম্পৰ্কিত ছবি ৷বিজয় থালাপেথিয়ে এগৰাকী ফুটবলাৰৰ চৰিত্ৰত অভিনয় কৰিছে । ১৯৭৪ চনত জন্ম গ্ৰহণ কৰা বিজয়ে বহু চলচ্চিত্ৰত অভিনয় কৰিছে ৷আৰু বহু পুৰস্কাৰে পুৰস্কৃত হৈছে ৷তাৰ ভিতৰত তামিলনাডু ষ্টেট ফিল্ম এৱাৰ্ড,চিমা এৱাৰ্ড আদি উল্লেখ্য।
ইফালে নেপথ্য কণ্ঠ শিল্পী হিছাপেও বিজয় প্ৰায় ৩০ টা গীতত কণ্ঠ দান কৰিছে ৷ আনহাতে বিজয়ৰ দেউতাক এজন ছবিৰ পৰিচালক ৷যাৰ নাম এচ এ চন্দ্ৰশেখৰ ৷মাতৃ শোভা এগৰাকী কণ্ঠ শিল্পী ৷ বিজয়ৰ ভগ্নী বিদ্যা দুবছৰ বয়সতে মৃত্যু হোৱাৰ পিচত তেওঁ চৰিত্ৰত প্ৰভাৱ পৰে। বিজয় সৰু বয়সৰ অধিক সময় চেন্নাইতে অতিবাহিত কৰিছে ৷ সম্প্ৰতি বিজয় থালাপথিৰ এই পদক্ষেপে সকলোকে আনন্দিত কৰিছে।
অন্য খবৰৰ বাবে পঢ়ক:ভাৰতীয় চলচ্চিত্ৰ জগতত নিষিদ্ধ হ’ল কণ্ঠ শিল্পী মীকা সিঙঃ কিন্তু কিয়?
ভিডিঅ প্ৰতক্ষ্য কৰক:73rd Independence Day celebration from various parts of Assam
