Top
undefined
Begin typing your search above and press return to search.

বঙাইগাঁওৰ কুঞ্জিয়া নদীত সলিল সমাধি দুজন মহাবিদ্যালয়ৰ ছাত্ৰৰ

বঙাইগাঁওৰ কুঞ্জিয়া নদীত সলিল সমাধি দুজন মহাবিদ্যালয়ৰ ছাত্ৰৰ

Sentinel Digital DeskBy : Sentinel Digital Desk

  |  14 Jun 2019 12:10 PM GMT

বঙাইগাঁওৰ কুঞ্জিয়া নদীত সলিল সমাধি দুজন মহাবিদ্যালয়ৰ ছাত্ৰ । এই মৰ্মান্তিক ঘটনাটো সংঘটিত হৈছে বঙাইগাঁও জিলাৰ জোগীঘোপা কঠকবাৰীত। বৃহস্পতি বাৰে সন্ধিয়া এই মৰ্মান্তিক ঘটনাটো সংঘটিত হয় ।

ছাত্ৰ দুজনক ইতিমধ্যে চিনাক্ত কৰা হৈছে । এজনৰ নাম ডাৰ্কিৱ আহমেদ আৰু নবজিৎ ৰায় । দুয়োজনে অময়াপুৰীৰ বুলি জানিব পৰা গৈছে । দাকিৰ্ভ আহমেদৰ বয়স ১৯ বছৰ আৰু নবজিৎ ৰায়ৰ বয়স ২০ বছৰ বুলি জানিব পৰা গৈছে ।

ঘটনাটো সংঘটিত হোৱাৰ পাছতে এচ ডি আৰ এফে উদ্যোগত অভিযান আৰম্ভ কৰিছিল যদিও বৃহস্পতি বাৰলৈকে উদ্ধাৰ কৰিবলৈ সক্ষম হোৱা নাছিল মৃত্যুদেহ । শুকুৰবাৰে ৰাতিপুৱা এচ ডি আৰ এফে কুঞ্জিয়া নদীৰ পৰা ছাত্ৰ দুজনৰ মৃতদেহ উদ্ধাৰ কৰিবলৈ সক্ষম হৈছে ।

উল্লেখযোগ্য যে ডাৰ্কিৱ আৰু নবজিৎৰ লগত কুঞ্জিয়া নদীত গা ধুবলৈ গৈছিল চাহিল হুছেইন আৰু আনিচুৰ ৰহমান নামৰ আন দুজন ছাত্ৰ । কিন্তু এই ঘটনা সংঘটিত হোৱাৰ পাছৰ পৰা চাহিল হুছেইন আৰু আনিচুৰ ৰহমান সন্ধানহীন হৈ আছে । ছাত্ৰ দুজনৰ সন্ধানহীন হৈ থকা ঘটনাই ৰহস্যৰ সৃষ্টি কৰিছে ।

এনেধৰনৰ ঘটনা সমুহ ৰাজ্যত বৃদ্ধি পোৱা পৰিলক্ষিত হৈছে । ১০ জুনত এনে এক ঘটনা সংঘটিত হৈছিল । চন্দ্ৰপুৰত দুজন জাগীৰোড কলেজৰ আৰু এজন চন্দ্ৰপুৰ উচ্চতৰ মাধ্যমিক বিদ্যালয়ৰ ছাত্ৰ ব্ৰক্ষপুত্ৰত পৰি সলিল সমাধি ঘটে ।

প্ৰকাশ কৰা মতে চন্দ্ৰপুৰৰ বিখ্যাত বনভোজ স্থলী তপৌবনত ফুৰিবলৈ গৈছিল ছাত্ৰ কেইজন । ছাত্ৰ কেইজনৰ নাম ৰঞ্জন ডেকা, ভাৰ্গৱ ডেকা , তৃষ্ণা কলিতা, অৰ্চনা ডেকা আৰু ধ্ৰুবজ্যোতি হাজৰিকা। বিদ্যালয়ৰ পোছাক গৈছিল ছাত্ৰ কেইজন। ব্ৰহ্মপুত্ৰত সাতুৰিবলৈ গৈ সন্ধানহীন হৈ আছে ছাত্ৰ কেইজন।

স্থানীয় লোকে এই ঘটনাটো আত্মহত্যাৰ ঘটনা বুলি প্ৰকাশ কৰিছে । কিন্তু প্ৰকৃত কাৰণ এতিয়াও জানিব পৰা হোৱা নাই । আনহাতে, অৰ্চনা ডেকা আৰু ধ্ৰুবজ্যোতি হাজৰিকাক সূস্থ অবস্থাত পোৱা গৈছে । তেওঁলোকৰ সন্ধানহীন বন্ধু কেইজনক নিৰাপদে উদ্ধাৰ হোৱাৰ কামনা কৰিছে ।

এচ ডি আৰ এফ আৰু এন ডি আৰ এফে ছাত্ৰ কেইজনৰ উদ্ধাৰ অভিযান অব্যাহত ৰাখিছে । পিছত ৰঞ্জন ডেকা আৰু ভাৰ্গৱ ডেকাৰ মৃতদেহ উদ্ধাৰ কৰে এচ ডি আৰ এফ আৰু এন ডি আৰ এফে । এই ঘটনাই এক শোকাকুল পৰিবেশৰ সৃষ্টি হৈছে অঞ্চলত কেইটাত ।

এনে ধৰণৰ ঘটনা বৃদ্ধি পোৱা পৰিলক্ষিত হৈছে ৰাজ্যত। বাৰিষা অহাৰ লগে লগে ওফন্দি উঠিছে নদ-নদী সমূহ।

অন্য খবৰৰ বাবে পঢ়ক :ইউক্ৰেনৰ সাগৰত সাঁতুৰিবলৈ গৈ সলিল সমাধি গুৱাহাটীৰ যুৱকৰ

Next Story