মহাৰাষ্ট্ৰৰ মুখ্যমন্ত্ৰী হিচাপে শপত গ্ৰহণ উদ্ধৱ থাকৰেৰ,শপত ছয় কেবিনেট মন্ত্ৰীৰো

মহাৰাষ্ট্ৰৰ মুখ্যমন্ত্ৰী হিচাপে শপত গ্ৰহণ উদ্ধৱ থাকৰেৰ , শপত ছয় কেবিনেট মন্ত্ৰীৰো । অৱশেষত মহাৰাষ্ট্ৰৰ অচলাৱস্থা দুৰ কৰি পূৰ্বে ঘোষনা কৰা অনুসৰিয়েই বুধবাৰে মুম্বাইৰ শিৱাজী পাৰ্কত অনুষ্ঠিত এক সভাত শিৱসেনাৰ অধ্যক্ষ উদ্ধৱ থাকৰেই মহাৰাষ্ট্ৰৰ মুখ্যমন্ত্ৰী হিচাপে শপত গ্ৰহণ কৰে।

মুম্বাইৰ শিৱাজী পাৰ্কত ৬.৪০ ত পদ আৰু গোপনীয়তাৰ শপত বাক্য কৰায় ৰাজ্যপাল ভগত সিং কোশীয়াৰীয়ে । শপত গ্ৰহণ কৰাৰ সময়ত উদ্ধৱ থাকৰেই গেৰুৱা বস্ত্ৰ পৰিধান কৰে ।শপত গ্ৰহনৰ পূৰ্বে থাকৰেই জনতাৰ সন্মুখত আঠু লৈ আশীৰ্বাদ বিচাৰে ।

শিৱসেনাৰ পৰা মনোহৰ যোশী আৰু নাৰায়ণ ৰাণাৰ পিছত উদ্ধৱ থাকৰেই মহাৰাষ্ট্ৰৰ তৃতীয় জন শিৱসেনাৰ পৰা নিৰ্বাচিত হোৱা মুখ্যমন্ত্ৰী।‌উদ্ধৱ থাকৰেৰ লগতে এই অনুষ্ঠানত আন ছয় জন কেবিনেট মন্ত্ৰীয়ো শপত গ্ৰহন কৰে । কেবিনেটৰ মন্ত্ৰী হিচাপে শপত গ্ৰহণ কৰা ছয় জন মন্ত্ৰী ক্ৰমে শিৱসেনাৰ একনাথ শ্বিনডে আৰু সূভাষ দেশাই , এন চি পিৰ জয়ন্ত পাটিল আৰু ছখন ভূজবল , কংগ্ৰেছৰ বালছাহেব থোৰাট আৰু নীতিন ৰাউটে । উক্ত সভাত মহাৰাষ্ট্ৰৰ প্ৰায় ৫০০ তকৈ অধিক জন কৃষক তথা বহু জনসাধৰণ , মহাৰাষ্ট্ৰৰ নৱনিৰ্মান‌ সেনাৰ সভাপতি ৰাজ থাকৰেই , ৰিলায়েন্স গ্ৰুপৰ উদ্যোগপতি মুকেশ আম্বানী আৰু তেওঁৰ পত্নী নীতা আম্বানী, উদ্ধৱ থাৰেৰ পৰিয়ালৰ লগতে আন বহু গন্য মান্য ব্যক্তি উপস্থিত থাকে। তদুপৰি এই অনুষ্ঠানত প্ৰাক্তন মুখ্যমন্ত্ৰী দেৱেন্দ্ৰ ফাড়নবিছ , এন চি পিৰ প্ৰধান শাৰদ পাৱাৰ, মধ্যপ্ৰদেশৰ মুখ্যমন্ত্ৰী কমল নাথৰ লগতে আন‌ ৰাজ্যৰ মুখ্যমন্ত্ৰী ও উপস্থিত থাকে।

কোটি কোটি জনতা , নেতা বিধায়ক , শুভচিন্তকে থাকৰেক শুভেচ্ছা জ্ঞাপন কৰে। অনুষ্ঠানৰ পিছতেই থাকৰেই পত্নী আৰু পুত্ৰৰ সৈতে গৈ প্ৰসিদ্ধ সিদ্ধি বিনায়ক মন্দিৰত পূজা-অৰ্চনা আগবঢ়ায় ।

এই অনুষ্ঠানৰ সময়ত শিৱাজী পাৰ্ক জন সমুদ্ৰত পৰিণত হয়, য'ত আনুমানিক ১০০,০০০ তকৈ অধিক লোক উপস্থিত আছিল।

অন্য খবৰৰ বাবে পঢ়ক: স্থানীয় স্বেচ্ছাসেৱী সংগঠনক ইছলামিক সংগঠনৰ অৰ্থসাহায্য : তদন্তৰ দাবী খিলঞ্জীয়া মুছলিমৰ

ভিডিঅ প্ৰতক্ষ্য কৰক: Jyoti Kendra Siksha Karmi staged sit in demonstration in front of Axom Sarba Siksha Abhiyaan office