এখন বিশ্ববিদ্যালয়ৰ অধ্যাপকে প্ৰতি সপ্তাহে আনে লৰা ছোৱালীৰ বাবে পুতলা । স্কুলৰ পৰা দিয়া ঘৰুৱা কাম সম্পূৰ্ণ নোহোৱাৰ বাবে শিক্ষক শিক্ষয়িত্ৰীৰ পৰা ছাত্ৰ ছাত্ৰীয়ে শাস্তি লাভ কৰে । এয়া এক স্বাভাৱিক ঘটনা । কিন্তু কেলিফ'ৰ্ণিয়াৰ এনে এক ঘটনা পোহৰলৈ আহিছে যিয়ে সকলোকে আচৰিত কৰি তুলিছে । কেলিফ'ৰ্ণিয়াৰ এখন বিশ্ববিদ্যালয়ৰ এজন অধ্যাপকৰ ভিডিঅ' ভাইৰেল হৈ পৰিছে ।
জানিব পৰা মতে অধ্যাপক জনে প্ৰতি সপ্তাহে ছাত্ৰ ছাত্ৰী সকলৰ ভাল প্ৰদৰ্শনৰ বাবে একোটাকৈ পুতুলা পুৰষ্কাৰ দিয়ে আৰু প্ৰেৰণা যোগায় । অধ্যাপক জনৰ সৰলতা সকলো পিনেই বিয়পি পৰিছে আৰু বহুতে সেই বিশ্ববিদ্যালয়ত যাবৰ বাবে ইচ্ছা প্ৰকাশ কৰিছে ।
বিশ্ববিদ্যালয় খনৰ এমি নামৰ ছাত্ৰ গৰাকীয়ে টুইটাৰ যোগে অধ্যাপক জনৰ এই ভিডিঅ'টো প্ৰচাৰ কৰে । ভিডিঅ'টোত দেখা গৈছে যে এজন অধ্যাপকে শ্ৰেনীৰ ভিতৰত বেগৰ পৰা পুতুলা উলিয়াই থকা দেখা যায় । লগতে এমিয়ে লিখে যে তেওঁলোকৰ অধ্যাপক গৰাকীয়ে প্ৰতি সপ্তাহে ছাত্ৰ ছাত্ৰীক অনুপ্ৰাণিত কৰিবলৈ পুতুলা আনে।
এমিয়ে প্ৰচাৰ কৰা ভিডিঅ'টো কমেও ৭ মিলিয়ন লোকে চাইছে আৰু এই ভিডিঅ'টোত মাত্ৰ তিনি দিনত প্ৰায় ৬ লাখ লাইক আৰু ১ লাখৰ অধিক ৰিটুইট হৈছে ।
অন্য খবৰৰ বাবে পঢ়ক: নিজৰ মৰমৰ পোহনীয়া কুকুৰটোৰ লগত বিচ্ছেদ হোৱাৰ ভয়ত যুৱতীয়ে ল’লে চৰম পন্থা
ভিডিঅ প্ৰতক্ষ্য কৰক:Titabor Women staged massive protest against Micro Finance Companies