বিশ্বত আৰ্থিক মন্দাৰ আশংকাঃ ক’ৰ’নাৰ ৰম্যপুৰী হোৱাৰ দিশে আমেৰিকা
অপ্ৰতিৰোধ্য ৰূপ ধাৰণ কৰা ক’ৰ’না মহামাৰীয়ে সমগ্ৰ বিশ্বক ভয়ংকৰ আৰ্থিক সংকটলৈ ঠেলি দিয়াৰ আশংকা প্ৰবল হৈ উঠিছে ৷ ইয়াৰ মূল কাৰণৰূপে চিহ্নিত হৈছে ক্ৰমে আমেৰিকা যুক্তৰাষ্ট্ৰ ক’ৰ’না ভাইৰাছৰ ৰম্যপুৰীত পৰিণত হোৱাৰ দিশে অগ্ৰসৰ হৈছে আৰু ভাৰতত সুদীৰ্ঘ ২১দিন তলা-বন্ধ (ল’ক-ডাউন)ঘোষণা কৰাটো ৷ এই ল’ক-ডাউনৰ ফলত ভাৰত বিস্তৰ আৰ্থিক ক্ষতিৰ সন্মুখীন হোৱাটো নিশ্চিত ৷ ভাৰতৰ পূৰ্বে এনে ল’ক-ডাউন ঘোষণা কৰে জাপানে ৷ একেদৰে ইংলণ্ডকে ধৰি ইউৰোপৰ বহু দেশে ল’ক-ডাউন ঘোষণা কৰিছে ৷ আনহাতে, বিশ্ব স্বাস্থ্য সংস্থা(হু)ৰ মুখপাত্ৰ মাৰ্গাৰেট হেৰিছে সংস্থাটোৰ মুখ্য কাৰ্যালয় জেনেভাত কৰা ঘোষণা অনুসৰি আমেৰিকা যুক্তৰাষ্ট্ৰত ক’ৰ’না মহামাৰীত আক্ৰান্তৰ সংখ্যা উদ্বেগজনক হাৰত বৃদ্ধি পাবলৈ ধৰিছে ৷ যোৱা বিশ্বত আক্ৰান্ত হোৱা মুঠ ক’ৰ’না ৰোগীৰ ৪০ শতাংশই হৈছে আমেৰিকা যুক্তৰাষ্ট্ৰৰ ৷ ৪৫শতাংশ হৈছে ইউৰোপৰ বিভিন্ন দেশৰ ৷ বিশ্ব স্বাস্থ্য সংস্থাৰ তথ্য অনুসৰি সমগ্ৰ বিশ্বত ক’ৰ’নাত নতুনকৈ ৪২হেজাৰ লোক আক্ৰান্ত হয় ৷ তদুপৰি উক্ত দিনা এই মহামাৰীত সমগ্ৰ বিশ্বত কমেও ৫৫৯জন লোকৰ মৃত্যু হয় ৷ আনহাতে, বৰ্তমানলৈ ভাৰতকে ধৰি সমগ্ৰ বিশ্বত তিনি লাখ ৭৭হেজাৰ লোক এই মহামাৰীত আক্ৰান্ত হৈছে ৷ প্ৰতিদিনে বৃদ্ধি পাই আছে আক্ৰান্তৰ সংখ্যা ৷ ইতিমধ্যে এই মহামাৰীত ১৫হেজাৰৰো অধিক লোক মৃত্যুমুখত পৰিছে ৷
অন্য খবৰৰ বাবে পঢ়ক: দেশজুৰি তলা বন্ধ: আৰ্থিক সাহায্য বিচাৰি প্ৰধানমন্ত্ৰী মোদীলৈ ট্ৰেড ইউনিয়নৰ পত্ৰ
