যোৱা শনিবাৰে পুৱাৰ ভাগত চেন্নাই বিমান বন্দৰত উদ্ধাৰ কৰা হৈছে এগৰাকী ৩৫বছৰীয়া অসমৰ প্ৰৱাসী শ্ৰমিকৰ মৃতদেহ। উল্লেখযোগ্য যে, গুৱাহাটী অভিমুখী ফ্লাইট ধৰিবলৈ আহিছিল শ্ৰমিক গৰাকী। চেন্নাই বিমানবন্দৰৰ প্ৰস্থান প্ৰান্তিকৰ সমীপত পুৱাৰ ভাগত উদ্ধাৰ কৰা হয় শ্ৰমিক গৰাকীৰ মৃতদেহ।
এই দুৰ্ঘটনা পোহৰলৈ অহাৰ লগে - লগেই, উক্ত স্থানত ততাতয়াকৈ আহি উপস্থিত হয় বিমানবন্দৰৰ আৰক্ষী কৰ্তৃপক্ষ আৰু পৰৱৰ্তী সময়ত মৃত্যুৰ বিষয়ে জানিবৰ হেতু শ্ৰমিক গৰাকীৰ মৃত দেহটো প্ৰেৰণ কৰা হয়, ওচৰৰে চৰকাৰী চিকিৎসালয় লৈ পোষ্টমৰ্টেমৰ বাবে।
কৰ্তৃপক্ষই মৃতক ব্যক্তি গৰাকীৰ যাৱতীয় বস্তু - বাহিনীৰ অনুসন্ধান যোগে, ব্যক্তি গৰাকীক দীপক প'ল ৰূপে চিনাক্তকৰণ কৰিছে। বিত্তীয় ভাৱে প'ল এগৰাকী অসমৰ বনুৱা শ্ৰমিক। আৰু চেন্নাই চহৰত ব্যক্তিগৰাকী বিগত দুই বছৰৰ পৰা কৰ্মৰত অৱস্থাত আছিল।
বিমানবন্দৰ কৰ্তৃপক্ষই জানিবলৈ দিয়া অনুসৰি যোৱা শুকুৰবাৰে গুৱাহাটী অভিমুখী ফ্লাইট যোগে ঘৰলৈ ঘূৰি অহাৰ কথা আছিল ব্যক্তি গৰাকীৰ। কিন্তু চেক - ইনৰ স্থানতে স্বাস্থ্যৰ অৱনতি ঘটে ব্যক্তি গৰাকীৰ আৰু ঠাইতে সংজ্ঞাহীন হৈ সৰি পৰে। ইয়াৰ পাছতে বিমানবন্দৰ চিকিৎসকে ব্যক্তিগৰাকীক প্ৰয়োজনীয় চিকিৎসা আগবঢ়াই, আৰু চৰকাৰী চিকিৎসালয়ত ভৰ্তি কৰাই।
আৰু তাৰ দ্বিতীয় দিনা অৰ্থাৎ শনিবাৰে পুনৰ ঘৰ অভিমুখী ফ্লাইটৰ বাবে বিমানবন্দৰত আহি উপস্থিত হয় দীপক প'ল। পৰবৰ্তী সময়ত প্ৰস্থান প্ৰান্তিকৰ সমীপৰ প্ৰসাৱগাৰৰ ওচৰত মূৰ্ছিত অৱস্থাত উদ্ধাৰ কৰা হয় ব্যক্তি গৰাকীক।
ইয়াৰ পাছতে কৰ্তৃপক্ষই ততাতয়াকৈ ক্ৰম্পেট চৰকাৰী চিকিৎসালয়ত ভৰ্তি কৰাই ব্যক্তি গৰাকীক, য'ত চিকিৎসকে তেওঁক মৃত ঘোষণা কৰে।
আৰু পঢ়ক : মৰিয়নিত তিনিবছৰীয়া কন্যাসহ মাতৃৰ আত্মহত্যা
