মুখ্যমন্ত্ৰী হিমন্ত বিশ্ব শৰ্মাই কয় যে গুৱাহাটী মহানগৰীত অপৰাধ সংঘটিত কৰি কোনো লোকেই সাৰি যাব নোৱাৰে ৷ অলপতে সংঘটিত এহাল প্ৰৌঢ় দম্পতীৰ হত্যাৰ তদন্ত বুজ লৈ মুখ্যমন্ত্ৰীয়ে লগতে কয় যে দম্পতীহালৰ হত্যাৰ মূল অভিযুক্ত আকাশ চৌধুৰীক সম্পূৰ্ণ তথ্য-প্ৰমাণৰ ভিত্তিত গ্ৰেপ্তাৰ কৰা হৈছে ৷ উল্লেখ্য যে মঙলবাৰে নিশা গুৱাহাটীৰ বেলতলা ছাৰ্ভেৰ নিবাসী ননীগোপাল বৰুৱা আৰু তেওঁৰ পত্নী মীনা বৰুৱা ঘৰতে হত্যাৰ বলি হয় ৷
লোমহৰ্ষক হত্যাকাণ্ডটোৰ মূল অভিযুক্তৰূপে আৰক্ষীয়ে দম্পতীহালৰ চোৱা-চিতা কৰাৰ বাবে ঘৰত ৰখা আকাশ চৌধুৰী নামৰ লোকজনক গ্ৰেপ্তাৰ কৰিছে ৷ মুখ্যমন্ত্ৰী শৰ্মাই দুৰ্ভগীয়া দম্পতীহালৰ ঘৰত উপস্থিত হৈ পৰিস্থিতিৰ বুজ লয় ৷ পাছত সাংবাদিকৰ আগত তেওঁ কয় যে মহানগৰীৰ যিবোৰ স্থানত বিশেষকৈ বয়স্ক দম্পতীয়ে বাস কৰা স্থানসমূহত চিচি টিভি কেমেৰা স্থাপন কৰা হ'ব ৷ " ইতিমধ্যে মহানগৰীৰ বহু স্থানত চিচি টিভি কেমেৰা স্থাপন কৰা হৈছে ৷ নথকা স্থানসমূহতো স্থাপন কৰা হ'ব," তেওঁ এইদৰে কয় ৷
আৰু পঢ়িব পাৰেঃ ডিচেম্বৰত বলিউডত আৰু এখন নতুন বিয়া !
