ৰাজ্যৰ বহুতো ঐতিহাসিক স্থান আৰু পুৰাতত্ব স্থানত সমূহ বেদখলৰ কৱলত । ৰাজ্য চৰকাৰৰ পুৰাতাত্বিক বিভাগৰ অধিনত বহুতো ঐতিহাসিক স্থান নাই। বৰ্তমানৰ পুৰাতাত্বিক বিভাগ অৰ্থৰ অভাৱত ভূগিছে। বৰ্তমান ২.৬৪ কোটি অনুমোদন লাভ কৰিছে ।
ৰাজ্যৰ এই ঐতিহাসিক স্থান সমূহ বেদখল মুক্ত কৰিবলৈ চৰকাৰে ব্যবস্থা গ্ৰহণ কৰিছে বুলি প্ৰকাশ কৰে মন্ত্ৰী কেশৱ মহন্তয়ে ।বৰ্তমান " হেৰিটেজ চিটি" (Heritage city) প্ৰকল্প গ্ৰহণ কৰা হৈছে ।
মন্ত্ৰী কেশৱ মহন্তয়ে সদনৰ মজিয়াত প্ৰকাশ কৰে যে, " world heritage city চুক্তিৰ মতে উজনি অসমৰ ঐতিহাসিক স্থান , আহোম স্বৰ্গদেউ স্থান সমূহ চৰাইদেউ অন্তৰ্ভুক্ত কৰিব আৰু কেন্দ্ৰীয় চৰকাৰৰ টিমে পৰিদৰ্শন কৰিব । এই স্থান সমূহ সংৰক্ষণৰ ক্ষেত্ৰত ২৫ কোটি টকা আবন্টন লাভ কৰিছে । তেওঁ লগতে প্ৰকাশ কৰে যে বৰ্তমান চৰকাৰে মটক আৰু মৰানৰ ঐতিহাসিক স্থান সমূহ চিনাক্ত কৰিছে।
জালুকবাৰীৰ "মোমাই কটা গড়"ৰ সন্দৰ্ভত মন্ত্ৰী কেশৱ মহন্তয়ে প্ৰকাশ কৰে যে, " পুৰাতত্ব বিভাগে জিলা প্ৰশাসনক এই স্থান সমূহ স্থানান্তৰ কৰিবলৈ প্ৰকাশ কৰিছিল । জিলা প্ৰশাসনে ইতিমধ্যে ইয়াৰ কাম আৰম্ভ কৰিছে । লগতে তেওঁ প্ৰকাশ কৰে যে, শিৱসাগৰৰ ন-পুখুৰী দিশত বেদখল মুক্ত কৰা হৈছে যদিও বৰ্তমানে সীমান্তৰ কাঁটাতাৰ ওচৰত বেদখল কৰিছে একাংশয়ে।ৰাজ্যত ঐতিহাসিক আৰু পুৰাতাত্বিক, বুৰঞ্জীমুলক স্থান প্ৰায় ৪০০ টা আছে । কিন্তু পুৰাতত্ব বিভাগৰ তত্বাবধানত প্ৰায় ১৩০ টা স্থানহে আছে।
আনহাতে , সোমবাৰে অসম বিধানসভাত চৰকাৰে উত্থাপন কৰে সত্ৰৰ ভূমি বেদখল মুক্ত কৰা বিধেয়ক । সত্ৰৰ ভূমি আৰু আন ধৰ্মীয় অনুস্থান সমূহ বেদখল মুক্ত কৰিবলৈ বিধেয়ক উত্থাপন কৰে চৰকাৰে । ৰাজ্যিক ৰাজহ আৰু দুৰ্যোগ ব্যৱস্থাপনা বিভাগৰ মন্ত্ৰী ভৱেশ কলিতাই ” অসমৰ ভূমি আৰু ৰাজহ নিয়ন্ত্ৰণ (সংশোধনি) আইন ২০১৯ (The Assam Land and Revenue Regulation) বিধেয়ক খন উত্থাপন কৰে ।
অসমত এশৰো অধিক বৰ্ষ গৰকা ঐতিহ্যমণ্ডিত ধৰ্মীয় অনুস্থান আছে। প্ৰকাশ কৰা তথ্য মতে , এই ধৰ্মীয় অনুস্থান আৰু সত্ৰৰ ভূমি সমূহ বেদখল কৰি আছে বহুতো লোকে আৰু এই ভূমি সমূহ বেদখল মুক্ত কৰিবলৈ যথেষ্ট অসুবিধাৰ সন্মুখীন হৈছে । সেয়েহে চৰকাৰে এই ঐতিহাসিক স্থান সুৰক্ষা কৰিবলৈ কঠোৰ ব্যৱস্থা গ্ৰহণ কৰিছে ।
বিধেয়ক খন গৃহীত হোৱাৰ পাছত জিলা উপায়ুক্ত আৰু অসামৰিক উপ-বিভাগীয় বিষয়াক বেদখল মুক্ত কৰিবলৈ সম্পুৰ্ণ দায়িত্ব দিয়া হব । সত্ৰ তথা ধৰ্মীয় অনুস্থান সমূহৰ বেদখল মুক্ত কৰিবলৈ এই বিধেয়ক খন অতি গুৰুত্বপূৰ্ণ হৈ পৰিছে ।
অধিক খবৰৰ বাবে পঢ়ক: অসম চৰকাৰে উত্থাপন কৰিলে সত্ৰ বেদখল মুক্ত কৰা বিধেয়ক
