Begin typing your search above and press return to search.

২০১৯ৰ তুলনাত এইবাৰ ৮০শতাংশ কমিল জি এছ টি সংগ্ৰহঃ বিত্তমন্ত্ৰী শৰ্মা

২০১৯ৰ তুলনাত এইবাৰ ৮০শতাংশ কমিল জি এছ টি সংগ্ৰহঃ বিত্তমন্ত্ৰী শৰ্মা

Sentinel Digital DeskBy : Sentinel Digital Desk

  |  29 April 2020 2:11 PM GMT

২০১৯ৰ তুলনাত এইবাৰ ৮০শতাংশ কমিল জি এছ টি সংগ্ৰহঃ বিত্তমন্ত্ৰী শৰ্মা

ক’ৱিড-১৯মহামাৰী ৰোধৰ উদ্দেশ্য দেশজোৰা তলাবন্ধ (ল’ক-ডাউন)ঘোষণা কৰিবলগীয়া হোৱাৰ পৰিপ্ৰেক্ষিতত অসমত এইবাৰ সামগ্ৰী আৰু সেৱা কৰ (জি এছ টি)সংগ্ৰহ উদ্বেগজনক হাৰত হ্ৰাস পালে ৷ আনকি যোৱা বছৰৰ এই সময়ছোৱাৰ তুলনাত এইবাৰ জি এছ টি সংগ্ৰহ ৮০শতাংশ পৰ্যন্ত হ্ৰাস পাইছে ৷ বুধবাৰে এখন সংবাদমেলত এই উদ্বেগজনক তথ্য সদৰী কৰে ৰাজ্যৰ বিত্তমন্ত্ৰী হিমন্ত বিশ্ব শৰ্মাই ৷ সংবাদমেলত মন্ত্ৰী শৰ্মাই কয় যে ২০১৯ৰ এপ্ৰিলত ৰাজ্যত ৯৩৬কোটি টকাৰ জি এছ টি সংগ্ৰহ হৈছিল ৷ কিন্তু এইবছৰৰ এপ্ৰিলত ইয়াৰ পৰিমাণ ১৯০কোটি টকালৈ হ্ৰাস পায় ৷ তৎসত্বেও চৰকাৰী চাকৰিয়ালে অহা মে’ৰ দৰমহা লাভ কৰিব বুলি তেওঁ ঘোষণা কৰে ৷ সংবাদমেলত মন্ত্ৰী শৰ্মাই লগতে কয় যে ৰাজ্যত ক’ৱিড-১৯আক্ৰান্তক চিকিৎসাৰ বাবে প্ৰয়োজনীয় সকলো সা-সুবিধা আছে ৷ কিন্তু জি এছ টি সংগ্ৰহৰ পৰিমাণে হ্ৰাসে উন্নয়নমূলক কাম-কাজ বাধাগ্ৰস্ত কৰাৰ আশংকা আছে৷ ইপিনে, আজি আৰু দুজন ক’ৰ’না আক্ৰান্তক চিকিৎসালয়ৰ পৰা যাবলৈ দিয়া হয় ৷ দুয়োজন সুস্থ হৈছে ৷ ফলত সম্প্ৰতি চিকিৎসালয়ত চিকিৎসাধীন হৈ আক্ৰান্তৰ সংখ্যা ৰাজ্যত সাতজনলৈ হ্ৰাস পাইছে ৷

অন্য খবৰৰ বাবে পঢ়ক: সুৰক্ষা বাহিনীত জোঁকাৰণিঃ ক’ৰ’নাত মৃত্যু দিল্লীত কৰ্মৰত অসমৰ চি আৰ পি বিষয়াৰ

ভিডিঅ প্ৰতক্ষ্য কৰক: SEBA will declare Results of HSLC-High Madrasa within 30 days from repeal of lockdown

Next Story