Begin typing your search above and press return to search.

ছুপাৰ ৩০ ছবিৰ কাৰণে উৎসাহী হৈ পৰিছে বলীউডৰ অভিনেতা ঋতিক ৰোশন

ছুপাৰ ৩০ ছবিৰ কাৰণে উৎসাহী হৈ পৰিছে বলীউডৰ অভিনেতা ঋতিক ৰোশন

Sentinel Digital DeskBy : Sentinel Digital Desk

  |  11 Jun 2019 12:15 PM GMT

বলীউডৰ অভিনেতা ঋতিক ৰোশনে আজি চুপাৰ ৩০ ৰ প্ৰসংগত নিজৰ ইনষ্টাগ্ৰাম একাউন্টত এখন ফ’টো শ্বেয়াৰ কৰিছে ৷ ফ’টো শ্বেয়াৰ কৰি অভিনেতা গৰাকীয়ে জীৱন আৰু গণিতৰ বিষয়ৰ এক বাৰ্তা লিখিছে। ছবিখনত ঋতিক ৰোশনে পাটনাৰ এগৰাকে গণিতৰ শিক্ষকৰ ৰূপত অভিনয় কৰিছে ৷ আৰু ছবিখনত ঋত্বিকে আৰ্থিক ভাৱে পিছ পৰা লোকসকলৰ সন্তানক পঢ়াই। ইফালে ছুপাৰ ৩০ ছবিখনৰ ট্ৰেইলৰ মুক্তিৰ লগে লগে ছবিখনে আদৰ লাভ কৰে দৰ্শকসকলৰ পৰা ৷

https://www.instagram.com/p/BykBTb3Hv9B/

কিছুসংখ্যকে নিজৰ প্ৰিয় অভিনেতাগৰাকীক পৰ্দাত প্ৰত্যক্ষ কৰিবলৈ উৎসুকতা প্ৰদান কৰাৰ লগতে আন কিছুমানে ট্ৰ’ল কৰিছে অভিনেতাগৰাকীক ৷অন্যহাতে সঁচা কাহিনীৰ ওপৰত আধাৰিত ছবিখনৰ মূল নায়কজন হৈছে গণিতৰ যাদুগৰ আনন্দ কুমাৰ।

https://www.instagram.com/p/ByflJU0n0KX/

বলীউডৰ অভিনেতা ঋতিক ৰোশনৰ (Hrithik Roshan) ছবি ছুপাৰ ৩০ ৰ নতুন প’ষ্টাৰ মুকলি হ’ল কিছুদিন পূৰ্বে ৷ নতুন প’ষ্টাৰত ডাইৰেক্টৰ বিকাশ বহলক বিশেষভাৱে ধন্যবাদ জ্ঞাপন কৰিছে ৷ ইফালে ঋতিক ৰোশনে টুইটাৰত ছুপাৰ ৩০ ৰ প’ষ্টাৰ শ্বেয়াৰ কৰি লিখে ট্ৰেইলৰ আহি আছে ৷ ছুপাৰ ৩০ ছবিখনৰ প’ষ্টাৰত ঋতিক ৰোশনক বৰষুণত তিতি থকা দেখিবলৈ পোৱা গৈছে।

ছবিখনত ঋতিক ৰোশনৰ উপৰিও পংকজ ত্ৰিপাঠী,মুনাল ঠাকুৰ,নন্দিশ সিং,অমিত সাধৰ লগতে বহু ন পুৰণি শিল্পী উপস্থিত আছে ।ছবিখন চলিত বৰ্ষৰ জানুৱাৰী মাহত মুক্তি পাব লগা কথা আছিল ৷ কিন্তু ছবিখনৰ পৰিচালক বিকাশ বহলৰ ওপৰত মী টুৰ আৰোপ লগোৱাৰ পিছতে ছবিখনৰ মুক্তি হোৱাৰ দিন পৰিৱৰ্তন হয় ।

ছবিখন ২৬ জুলাইত মুক্তি দিয়াৰ কথা ঘোষণা কৰিছিল কলা কুশলীসকলে ৷ কিন্তু এই দিনটোতে কংগনা ৰানাউটৰ ছবি মেন্টল হ্যে ক্যিয়াই মুক্তি লাভ কৰিব । সেয়েহে,ছুপাৰ ৩০ ছবিখনে ১২ জুলাইত মুক্তি লাভ কৰিব ৷

ইফালে ছুপাৰ ৩০ ছবিখনৰ ট্ৰেইলৰ মুক্তি লাভ কৰাৰ লগে লগে বলীউডৰ চেলীব্ৰেট্ৰী সকলে প্ৰতিক্ৰিয়া প্ৰকাশ কৰিছে । অভিষেক বচ্ছনে ছুপাৰ ৩০ ট্ৰেইলৰ মুক্তিৰ পোৱাৰ পিছতেই লিখে অনাগত দিনলৈ শুভেচ্ছা জনালো ৷ লগতে জনপ্ৰিয় লেখক চেতন ভগতেও মন্তব্য কৰি কয় যে বহুত ভাল লাগিল ৷ অনাগত পৰীক্ষাৰ বাবে প্ৰস্তুতি কৰা প্ৰত্যেকজন শিক্ষাৰ্থীৰ কাৰণে এই ছবিখন যথেষ্ট উপযোগী ৷ইয়াৰ লগতে আলিয়া ভাট্ট আৰু সোনালী বেন্দ্ৰেও ঋতিক ৰোশনৰ অনাগত ছবিখনৰ কাৰণে শুভেচ্ছা দিয়াৰ লগতে ছবিখনক প্ৰশংসা কৰে ৷

অধিক খবৰৰ বাবে পঢ়ক : বলীউডৰ অভিনেতা ঋতিক ৰোশনৰ ছুপাৰ ৩০ ৰ প’ষ্টাৰ মুকলি

Next Story