ৰাজ্যত জটিল ৰূপ ধাৰণ কৰা গাহৰি ৰোগ চিনাক্ত হোৱা নাইঃ মন্ত্ৰী অতুল বৰা

ক’ৰ’না মহামৰীৰ বিভীষিকাৰ মাজতে হঠাতে ৰাজ্যত প্ৰাদুৰ্ভাৱ ঘটা গাহৰিৰ অতি সংক্ৰামক ৰোগ বিধ চিনাক্ত হোৱা নাই ৷ এই ৰোগ মানুহলৈ সংক্ৰামিত হোৱাৰো আশংকাই দেখা দিছে ৷ অৱশ্যে এনে আশংকা অমূলক আখ্যা দিছে ৰাজ্যৰ কৃষি তথা পশুপালন মন্ত্ৰী অতুল বৰাই ৷ বৰ্তমানলৈ এই গাহৰিৰ ৰোগ চিনাক্তকৰণ হোৱা নাই বুলি সদৰী কৰি মন্ত্ৰী বৰাই টুইটাৰত কয়, “ ৰাজ্যত দেখা দিয়া এই গাহৰিৰ ৰোগ বৰ্তমানলৈ চিনাক্ত হোৱা নাই ৷ এই ৰোগ এটা গাহৰিৰ পৰা আন এটা গাহৰিলৈ দ্ৰুততৰে বিয়পি পৰে ৷ কিন্ত এই ৰোগ মানুহলৈ সংক্ৰামিত নহয় ৷ গাহৰিৰ পৰা গাহৰিলৈহে সংক্ৰামিত হয় ৷" তৎসত্বেও ৰাজ্যত গাহৰি মাংস ভক্ষণত নিষেধাজ্ঞা আৰোপ কৰা হৈছে ৷ এই কথাও উক্ত টুইটত মন্ত্ৰী বৰাই উল্লেখ কৰে ৷

অন্য খবৰৰ বাবে পঢ়ক: আমেৰিকাত ভাৰতীয় প্ৰতিভাৰ জয়ধ্বজাঃ সুন্দৰ পিচাইৰ ২০১৯ৰ দৰমহা ২৮১নিযুত ডলাৰ

ভিডিঅ প্ৰতক্ষ্য কৰক: SEBA will declare Results of HSLC-High Madrasa within 30 days from repeal of lockdown