কেৱল চলচ্চিত্ৰতে নহয় বাস্তৱ জীৱনতো প্ৰকৃত নায়ক বলীউডৰ এইজন ছুপাৰষ্টাৰ ৷ সাম্প্ৰতিক অসমৰ সমগ্ৰ বান পৰিস্থিতিয়ে চুই গৈছে ৰাষ্ট্ৰীয় পৰ্যায়ৰ সংবাদ মাধ্যম ৷ বানাক্ৰান্ত লোকসকলৰ দুখ দুৰ্দশাই চুই গৈছে হৃদয়বান প্ৰতিজন লোকৰ অন্তৰ ৷ যাৰ কাৰণে সম্প্ৰতি বানাক্ৰান্ত লোকসকলক সহায় কৰিবৰ কাৰণে আগবাঢ়ি গৈছে বহুতো ৷সেই সময়তে বলীউডৰ ছুপাৰষ্টাৰ অক্ষয় কুমাৰে প্ৰতিপন্ন কৰিলে যে কেৱল ছবিত হিৰো অৰ্থাৎ নায়ক হ’লেই নহ’ব ৷ বাস্তৱ জীৱনতো নায়ক হৈ দেখুৱাব লাগিব ৷
অসমৰ বান পৰিস্থিতিৰ আলোকচিত্ৰ সম্প্ৰতি ছ’চিয়েল মিডিয়াত বিয়পি পৰিছে ৷ সকলোৱে বান পৰিস্থিতিত বিভিন্ন ধৰণৰ প্ৰতিক্ৰিয়া সম্বন্ধীয় চিহ্ন দিছে ৷তথা বানাক্ৰান্তসকললৈ সহানুভূতি শীৰ্ষক বাৰ্তা প্ৰেৰণ কৰিছে ৷ কিন্তু সেই সময়তে বলীউডৰ অভিনেতা অক্ষয় কুমাৰ মন্তব্য যে ছ’চিয়েল মিডিয়াত কেৱল সহানুভূতি শীৰ্ষক বাৰ্তা আৰু বিভিন্ন চিহ্ন ব্যৱহাৰ নকৰি সহায় কৰক ৷ আপুনি ১ টকা,২৫,০০০,২৫,০০০০০ যি পাৰে,সামৰ্থ্য অনুযায়ী সহায় কৰক ৷
দৰাচলতে অক্ষয় কুমাৰৰ চৰ্চিত ছবি মিশ্যন মংগলৰ প্ৰমোশ্যনত অভিনেতাগৰাকীক অসমৰ বানৰ প্ৰসংগত প্ৰশ্ন কৰে সাংবাদিক এগৰাকেয়ে ৷ লগতে মুখ্যমন্ত্ৰী পুঁজিলৈ টকা দিয়া কথাৰ বিষয়ে উত্থাপন কৰে ৷তেনে সময়তে অক্ষয় কুমাৰ কয় যে মোৰ ওচৰত বহুত পইচা আছে ৷মই বিগত সময়ত অসমৰ বানে প্ৰভাৱিত কৰা এগৰাকী মহিলাক কোলাত এটি শিশু লৈ পানীত দেখিছিলো। এই প্ৰতিচ্ছবিয়ে মোৰ হৃদয় চুই গ’ল ৷ কাৰণ তেনে ধৰণৰ পৰিস্থিতি সকলোৰে হ’ব পাৰে। এই পৰিস্থিতিৰ সন্মুখীন মোৰ পত্নী আৰু মোৰ জীয়ৰীও হ’ব পাৰে ৷ কাইলৈ আপোনাৰো হ’ব পাৰে ৷
গতিকে ছ’চিয়েল মিডিয়াত যিকোনো সহানুভূতি শীৰ্ষক বাৰ্তা দিয়া বন্ধ কৰি কিবা এটা দি সহায় কৰক। আনহাতে অসমৰ বানাক্ৰান্তসকলক লৈ কৰা এই মন্তব্যৰ পিছত অনুৰাগীসকলৰ মাজত বিশেষ প্ৰতিক্ৰিয়াৰ সৃষ্টি হৈছে ৷ সকলোৱে অক্ষয় কুমাৰৰ এই মহানতাৰ শলাগ লৈছে ৷
ইফালে অক্ষয় কুমাৰে ৰাজ্যৰ বানাক্ৰান্ত সকলৰ বাবে মুখ্যমন্ত্ৰীৰ সাহাৰ্য্য পুঁজি আৰু কাজিৰঙা ৰাষ্ট্ৰীয় উদ্যানৰ উদ্ধাৰৰ বাবে ২ কোটি প্ৰদান কৰিছে ।ৰাজ্যৰ ৩৩ লাখৰো অধিক লোক ক্ষতিগ্ৰস্থ হৈছে বানপানীৰ ফলত । ৰাজ্যৰ চৌদিশে কেৱল বানৰ তাণ্ডব ।বানাক্ৰান্ত সকলক উদ্ধাৰ কৰিবলৈ বিভিন্ন জনে সহায়ৰ হাত আগবঢ়াই । সমান্তৰালকৈ বলীউডৰ অভিনেতা অক্ষয় কুমাৰে ২ কোটি প্ৰদান কৰিছে ।
অক্ষয় কুমাৰ বিশ্বৰ সৰ্বোচ্চ পেইড চেলিব্ৰেটিৰ ফৰ্বচৰ তালিকাৰ অন্যতম । অক্ষয় কুমাৰে মুখ্যমন্ত্ৰীৰ সাহাৰ্য্য পুঁজিলৈ ১ কোটি আৰু কাজিৰঙা ৰাষ্ট্ৰীয় উদ্যানৰ বন্যপ্ৰানী উদ্ধাৰৰ বাবে ১ কোটি টকা প্ৰদান কৰা হৈছে । ইয়াৰ সম্পৰ্কে অক্ষয় কুমাৰে টুইটাৰত যোগে প্ৰকাশ কৰিছে ।
